Thursday, November 19, 2009

Aise na jaao...



"Kahin kisi kone se ek awaaz sunaai di... Aise Na Jaao", tej hawa ke jhoke se mein ghabraney lagi, aasman me achaanak andheri si chaane lagi, wo shaant maahol ek dum tufaani ho gaya maano shaant samunder me koi tej lehar sab ko apni kauk me samaati hui aage bhadhne lagi...




Mein yuhi aksar apne aap ko in sab ke beech kho deti hu,, kahin na kahin in sab se ek rishta bana leti hu..har roz ki shaam se alag thi yeh shaam. yuhi shaant akele baithe bahut waqt beet chuka tha, mein uth ke chalne lagi. 'AISE NA JAAO'.. .. mujhe ek awaaz sunai di, mujhe kuch samjh nhi aaya yeh achaanak kya hua.



Yeh mera bhram tha ya sach me kisi ki pukaar thi, kuch pal wahi uljhee hui si aas paas dekhne lagi.. dekha toh yeh shaant maahol ek dum se badal gaya jaha hawa ka rukh kuch aisa badla ke sarsaraate hue teji se mujhe chu ke guzarne lagi. mein phir chalne lagi ek kadam aage badhate hue phir wahi awaaz sunai di, maine aankhe band ki aur paaya yeh awaaz kisi aur ki nhi balki mere mann ki awaaz thi.



Mann ki awaaz ji haan!! kaafi waqt hone ke kaaran me uth ke chalne lagi thi per mera mann .. mann toh wahi tha in sab ke beech toh mein kaise jaa sakti thi, uljhi hui apne hi khayalon me waha se chalne lagi, AUR HAMESHA KI TARHA PHIR KUCH ADHURA ADHURA REH GYA..





mann kehta reh gaya AISE NA JAAO........